• Kolektibo hauen diagnostikoa, prebentzioa, artapena, erabateko birgizarteratzea eta euren eskubideen defentsa: babesgabe daudenak, gizarte-bazterketan daudenak edo halako arriskua dutenak. Indar berezia egingo dugu kartzelan dauden pertsonekin edo egoteko arriskua dutenekin, eta prostituzioan dihardutenekin.
• Gizarte-eskubideak, eskubide zibilak, ekonomikoak, politikoak, osasun-eskubideak, lege-eskubideak, kulturalak zein beste edozein eskubide pertsona guztientzat berdinak direla defendatzea, edozein lekutan edo arlotan. Horrez gain, eskubide horiek aitortuta ez daudenean edota urratuak direnean, bete daitezen bermatzea.
• Aurre egitea diskriminazioei, bazterketei, marjinazioei edo intolerantzia-ekintzei; direla gizarte-arrazoiengatik, ideologiagatik, sexuagatik, kultura-arrazoiengatik, erlijioagatik, hizkuntza-arrazoiengatik, edo beste edozein arrazoirengatik.
• Artatutako pertsonen bizitza-kalitatea hobetzea, euren oinarrizko beharrak bermatuko zaizkiela bilatuta (baita osasun fisikoa eta burukoa ere).
• Gizarte-sentsibilizazioa.
• Bitartekaritza eta gatazkak konpontzeko moduak bultzatuko dituzten egitasmoak eta ekintzak sustatzea eta egitea, ondorengo arloetan gauza daitezkeenak: familian, arlo penalean, espetxean, komunitatean, kulturarteko arloan, lan-arloan eta enpresa-arloan.
• Biktimarekiko arreta sustatzea eta biktimizazio sekundarioa saihestea.
• Delitua eta gizarte-bazterketarako arriskua saihestea.
• Familiekiko arreta.
• Bazterketa-egoeran dauden edo horretarako arriskua duten bestelako kolektiboekiko arreta: gazteak edota adin txikikoak, desgaituak, buruko gaitzak dituztenak, migratzaileak, adinekoak, eta abar.
• Emakumeekiko berariazko arreta (bortizkeria matxista, bazterketa, prostituzioa, etab.).
• Gizarte-sareak sortzea eta erakunde publiko eta pribatuekiko lankidetza bultzatzea, elkartearen helburuak lortzeko.
• Elkartearen helburuekin lotutako arloen gaineko ikerketa, prestakuntza eta informazioa bultzatzea.

Egun nagusi den gizarte-eredua eraldatzea bilatzen duen elkartea da ARRATS, izaera sozialekoa, laikoa eta irabazi asmorik gabekoa. Bere helburua da pertsonen giza eskubideak eta eskubide sozialak ez daitezela urratuak izan, eta eskubide horiek herritar guztiei bermatzea. 

Horretarako:

• Gizarteratze-prozesuak ahalbidetzen ditu, proiektuen eta programen bitartez
• Esku-hartzerako metodologia berrien alde egiten du, gizarte-bazterketaren eta genero-desberdintasunei aurre egiteko eraginkorrak izango direnak
• Erabiltzaileen autonomia, parte-hartzea eta berdintasuna bultzatzen du, zeinak gizarte-bazterketan dauden edo egoteko arriskua duten
• Erakunde publiko eta pribatuekiko lankidetzan, gizarte-sareak sortzea eta koordinatzea bultzatzen du, gizarte justuagoa eta integratzaileagoa lortzeko

Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.

Erreferente izan nahi dugu gizarte-bazterketa jasaten duten edo jasateko arriskua duten pertsonen eskubideen defentsan. Horretarako, saihestuko dugu eta lagunduko horietako inor ez dadin gera behar duen arretarik gabe; eta zehar-lerro izango ditugu generoa, kultura, dibertsitatea (baita funtzionala ere), jasangarritasuna eta gizarte-desberdintasunak. 

Gizatasuna. Nork bere balioa du.

Gizarte-justizia. Pertsona guztiok daukagu  erabateko eskubidea baliabideak eskuratzeko, erabiltzeko eta beraietaz gozatzeko; eta eskubide horiek ezin dira egon ustezko ongintzaren edo karitatearen arabera.

Gizarte-erantzukizuna. Pertsonon oinarrizko eskubideen defentsa aldarrikatzea, direla hezkuntza-mailakoak, gizarte-mailakoak, lege-mailakoak…; bai elkartean bertan zein bestelako guneetan, ekintzetan edo foroetan; bai esku-hartzean bertan.

Giza, kultura- eta hizkuntza-eskubideen babesa. Elkartearen funtsezko politika gisa, oinarrizko eskubideak bermatzeko; eta dibertsitate kulturala eta funtzionala bermatzeko, baita artapen elebiduna ere.

Berdintasuna. Pertsona guztion eskubide- eta aukera-berdintasunean sinesten dugu, kontuan izan gabe zein den norberaren errealitatearen edota ingurunearen gizarte-egoera, sexua edo kultura.

Errespetua. Errespetua pertsonen autonomiaren gainean, baita euren erabakiak kudeatzeko gaitasunaren gainean ere.

Zintzotasuna. Konfiantza- eta harmonia-giroa, pertsonon babesa, segurtasuna eta sinesgarritasuna bermatuko duena.

Banakotasuna. Gure ustez, pertsona bakoitzaren prozesuak erritmo bereziak dauzka; beraz, berariazko ibilbide eta esku-hartzea eskatzen dute. Nor bere bizitzako protagonista da, eta eskubidea dauka bere erabakiak hartzeko; hortaz, denok behar ditugu informazioa, orientazioa eta beharrezko baliabideak, nork bere erabakiak har ditzan.

Gizarte-eraldaketa. Elkarte honen helburua da, bere programen bidez garatzen duen esku-hartzea baliatuta, pertsona guztien gizarte-bazterketari aurre egiteko borrokan laguntzea eta euren eskubideen eta interesen defentsan aritzea.

Indarkeri Matxistarako Arreta Juridiko Zerbitzua

Gipuzkoa-ko indarkeria matxistako emakume biktimentzako aholku juridiko integrala eskaintzen duen Diputazioaren menpeko zerbitzua.

Informazio Gehiago.

Bazterturiko Pertsonak Birgizarteratzeko Zerbitzuaren  Pisuak

Elkartea Arrats-ek egonaldi erdiko hainbat pisu ditu baliabide bezala pertsonentzat espetxe-esperientziarekin, bizilekua edo Gipuzkoa-n sustraitzearekin. Heziketa-laguntza bere sartze sozio-laboralerako han eskaintzen da.
Gaur egun Gipuzkoa-ko probintzian kokatutako bi pisu daude.

Udaletxeetako Laguntza-Zerbitzuak:

Udaletxeetako laguntzako zerbitzu teknikoak dira. Gaur egun, Tolosa  eta Billabona aipaturiko zerbitzuak, lizitazioen bidez, egiten dira.

Elikagai Banaketa:

Elikagai-bankuaren bidez, hilero familia erabiltzaile  desberdinentzako oinarrizko beharrekin, elikagaiak banatzen ditu .

Feminizatutako enpleguko eskubide defentsarako  programa batua:

ASADE Elkarte-aren batera egiten da. ASADE-k  feminizatutako jardueretako emakumeen eskubideen alde egiten du lan . Programa 2015etik martxan dago.

Sentsibilizazio-jarduerak:

Eremu guztietako sentsibilizazio sozialerako egiten diren jarduera desberdinak.